အမျိုးသမီးခေါင်းဆောင်မှု ကဏ္ဍနှင့် ကျား/မ ရေးရာညီမျှမှု အလုပ်ရုံဆွေးနွေးပွဲ နှင့် အရပ်ဘက်လူမှု အဖွဲ့အစည်းများ(CSOs)တွေ့ဆုံပွဲ ကျင်းပပြုလုပ်

ကရင်ပြည်နယ်အတွင်းရှိ CSOများ အချင်းချင်း တွေ့ဆုံမိတ်ဆက်ပြီး လုပ်ဆောင်ချက်များအား မျှဝေနိုင်ရန်နှင့် ပိုမိုချိတ်ဆက်ဆောင်ရွက်နိုင်ရန် အမျိုးသမီးခေါင်းဆောင်မှုကဏ္ဍနှင့် ကျား/မ ရေးရာညီမျှမှု အလုပ်ရုံဆွေးနွေးပွဲ နှင့် အရပ်ဘက်လူမှု အဖွဲ့အစည်းများ(CSOs)တွေ့ဆုံပွဲကို ဖားအံမြို့၊ Gabbana Hotel ၌ ကျင်းပပြုလုပ်သွားပါသည်။

ဖေဖော်ဝါရီလ ၂၀ ရက်နေ့မှ၂၁ ရက်နေ့အထိ ကျင်းပသည့် ယင်းအလုပ်ရုံ ဆွေးနွေးပွဲကို ဖားအံအခြေစိုက် လွတ်လပ်၍ မျှတသောအမျိုးသမီးများကွန်ရက် ဦးဆောင်မှုဖြင့်ပြုလုပ်ခြင်း ဖြစ်ပြီး ECCSO စီမံကိန်း၏ ထောက်ပံ့ကူညီပေးမှုဖြင့် ကျင်းပပြုလုပ်ခြင်းဖြစ်သည်။ အလုပ်ရုံဆွေးနွေးပွဲအတွင်းတွင်  အမျိုးသမီးအခွင့်အရေးကိစ္စများဖြစ်သည့် အကြမ်းဖက်ခံရမှုများ၊ ဆုံးဖြတ်ချက်ချသော အပိုင်းတွင် အမျိုးသမီးများပိုမိုပါလာနိုင်ရန်နှင့် ဒေသတွင်းတွင် အရေးတကြီးသိသင့်သည့် အရာများကို ဆွေးနွေးခဲ့ကြောင်း သိရပါသည်။

ယနေ့ဆွေးနွေးပွဲအား ကရင်ပြည်နယ်ရှိ CSO အဖွဲ့ပေါင်း ၃၀ ကျော်မှ အဖွဲ့ဝင် ၅၀ ဦးကျော် တက်ရောက်နေပြီး ဖေဖော်ဝါရီ ၂၁ ရက်နေ့တွင် အစိုးရဌာနမှ တာဝန်ရှိသူများပါတက်ရောက်ခဲ့ကာ ပထမရက်မှ ဆွေးနွေး ချက်ရလဒ်များကို ပြန်လည်တင်ပြကြခဲ့ကြပါသည်။