ဖန်တီးအိမ်၏ (၁၀) နှစ်ပြည့် “သံဖြူရတု အထိမ်းအမှတ်” အခမ်းအနား ကျင်းပပြုလုပ်

ဖန်တီးအိမ်၏ (၁၀) နှစ်ပြည့် “သံဖြူရတု အထိမ်းအမှတ်” အခမ်းအနားကို သြဂုတ်လ (၁၀)ရက် က ဒဂုံမြို့နယ်၊ မနော်ဟရီလမ်းရှိ “Burbrit Taproom” တွင်ကျင်းပ ပြုလုပ်ခဲ့ပါသည်။ ဖန်တီးအိမ် အဖွဲ့ကို ၂၀၀၉ ခုနှစ်တွင်စတင်တည်ထောင်ခဲ့ပီး ယခုဆိုရင်ဖြင့် (၁၀) နှစ်တိုင်သော ခရီးမိုင်တိုင်ကိုရောက်ရှိခဲ့ပြီဖြစ်ပါသည်။

ထို အခမ်းအနားကို ဖန်တီးအိမ် ၏ အမှုဆောင် ဥက္ကဌ ဒေါ်ဥမ္မာထွေးမှ ကြိုဆိုနှုတ်ခွန်းဆက်စကားပြောကြားပြီး ဖွင့်လှစ်ပေးခဲ့ပါသည်။ ဆက်လက် ၍ ထိုနှစ်ပတ်လည်အခမ်းအနားတွင် ဖန်တီးအိမ်၏ (၁၀) နှစ်တာ ကာလအတွင်း လုပ်ဆောင်ခဲ့သော လုပ်ငန်းစဉ်များကို တင်ပြခြင်း၊ ဘဏ္ဍာရေး နှင့် နည်းပညာအရ ထောက်ပံ့ ပေးခဲ့သော မိတ်ဖက်အဖွဲ့ အစည်းများသို့ ကျေးဇူးတင် လက်ဆောင်ပေးခြင်း၊ ကဗျာရွက်ဆိုခြင်း၊ အခမ်းအနားတတ်ရောက်လာသူများမှ ဖန်တီးအိမ်အဖွဲ့အစည်း အပေါ် အကြံပြု သစ်ပင်စိုက်ခြင်း၊ ကျေးဇူးတင်စကားပြောကြားခြင်းအစီအစဉ်များ၊ ဖန်တီးအိမ် ဝန်ထမ်းများမှ ဖန်တီးအိမ် သီချင်းကို စုပေါင်းသီဆိုခြင်း အစရှိသည့်အစီအစဉ်များ ပါဝင်ခဲ့ကြပြီး တတ်ရောက်လာသည့် ဧည့်သည်တော်များအား နှစ်ပတ်လည်အခမ်းအနား ညစာဖြင့် တည်ခင်း ဧည့်ခံခဲ့ပါသည်။